Magic Flower

الأحد، 3 ديسمبر 2017

الآية القرآنية بفن لف الورق

اللوحة عبارة عن الآية الكريمة

"هذا من فضل ربي"

استغرق العمل على اللوحة 20 يوماً,, واستخدمنا فن التنقيط للزخرفة

الثلاثاء، 4 أكتوبر 2016

طبعا خلصت اللوحة بعد ما كنت على أعصابي وحلمت بكوابيس ،، لأن اللي طلبت اللوحة قالت لي إنها دخلت شهر التاسع ، هني أنا انصدمت !! وقالت لي بعد إن عندي 3 أسابيع - يعني عندي وقت لين تربي بالسلامة - بس هالشي ما يطمن ، لأن الوحدة اللي تدخل شهرها التاسع عادي تربي أي وقت

المهم حاولت أخلص قد ما أقدر ، حتى لما سافرت البحرين يومين أخذت اللوحة وياي ، وخلصتها خلال 21 يوم .. والحمدلله رب العالمين

السبت، 18 يونيو 2016

#1

لأني قرأت 73 كتاب في 2014

فكنت الفائزة بالمركز الأول في مجموعة القراءة

شعور جميل إن الواحد يقرأ ، ويستمر في القراءة ، خصوصا في هالزمن ، اللي الكل منشغل بأجهزة التواصل الإجتماعي ، والنتيجة طبعا ضياع الوقت وعدم استغلاله في شي مفيد ومثري للإنسان وحياته

الأحد، 12 يونيو 2016

شهر الرحمة

السبت، 26 مارس 2016

Baby Carriage

هذي هدية سويتها بمناسبة قدوم الطفلة "ميثاء" .. صور الجزء الأول من الهدية :

والحين الجزء الثاني من الهدية

طبعا الهدية عبارة عن : خواتم للبيزات + حرف الميم بالإنجليزي + شكل العربة

لصقت قطعة مغناطيس ورى حرف الميم ، ونفس الشي سويت للعربة

WelCome To the WorLd

يقولون : من طوّل الغيبات ياب الغنايم ,, احم احم ,, طبعا متأخرة وايد لين احط الصور

المهم ..

هذي اللوحة عبارة عن طلبية ، أظن سويتها ف 2014
واستغرقت اللوحة 15 يوم ,,

طبعا يعتبر بالنسبة لي زمن قياسي , لأن أغلب اللوحات تاخذ فترات أطول لين أسويهم وأخلصهم

الألوان اللي استخدمتهم : أبيض للتحديد الأساسي .. درجة وحدة اللون الأزرق .. درجتين وردي + فوشي .. درجتين بنفسجي

طبعا ضفت الأزرق عشان يكسر اللون شوي ومايكون كله وردي
وتفاصيل العمل و صور أقرب للوحة موجودة على الإنستغرام
amani3187

الصورة اللي على اليمين بالإضاءة العادية
واللي على اليسار بعد ما ضفت تأثير عليها عشان توضح الألوان
والصورة الأخيرة ، طرشتها لي صاحبة الطلبية